🌺माझी रमाई🌺

कोण म्हणतं तू 

सात कोटींची माय!

कोण म्हणतं तू 

नऊ कोटींची माय!

मी म्हणतो तू सगळ्यांची माय!

दाखवावा मला एखादा भारतीय!

ज्याच्यावर माझ्या रमाईचे उपकार नाय!

देशाच्या साहेबांची मालकीण होती *माझी रमाई!*

बा भीमाच्या क्रांतीची कमाई होती *माझी रमाई!*

अहो इथल्या प्रत्येक पोरक्या लेकरांची आई होती 

*माझी रमाई!*

बा भीमाच्या लेखणीची

निरंतर शाई होती 

*माझी रमाई!*

जन्म दिला नसला तरी

संगोपन तिने केलें आहे!

पोटाच्या लेकरांपरी

आमचं बालपण केलं आहे!

समाजाच्या उद्धारासाठी

बाबां सोबत ती पण झटली!

उपाशी पोटी देहाने घटली

एक पाऊल मागे ना हटली!

बाबांची ती सावली झाली

काळजीपोटी माऊली झाली!

शेण गौऱ्या थापून विकून

शिक्षण देण्यास पावली झाली!

बांगडी चोळी दागदागिने

यांनी कधीच सजली नाही!

तिच्या परम त्यागापाई

ज्ञानज्योत विझली नाही!

बा भीमाच्या क्रांतीच

तू पाहिलं पाऊल होती!

उध्दारलेल्या समाजाची

तू पहिली चाहूल होती!

कार्य भिमाचे जितके मोठे

तितकेच तुझे उपकार आहे!

त्यागमूर्ती तू ठाव जगाला

नाम तुझे चिरकाल आहे!

*माता रमाई यांस स्मृतिदिनानिमित्त विनम्र अभिवादन!*

🌺🙏🌺